Легенды и современная история Белоречья

Описание

Белорет районы тәбиғәте, тау, йылғалары, ҡаҙылма байлыҡтары менән Башҡортостандың башҡа райондарынан айырылып тора. Күп мул һыулы йылғалар ошо тарафтарҙан баш ала: Ағиҙел, Инйәр, Йүрүҙән, Нөгөш һ.б. Көньяҡ Уралдағы иң бейек тауҙар ҙа ошо төбәктә: Ямантау, Нәре, Ирәмәл, Машаҡ, Бишитәк, Ҡыраҡа, Рәз, Кирәл. Белорет районының ер-һыу атамалары тотошлайы менән топонимика фәне тарафынан өйрәнелеп бөтөлмәгән. Ер-һыу теле үҙе бер йомаҡ − асылмаған йоҙаҡ. Ошо серле йомаҡтың асҡысы әлбиттә өлкән йәштәге олатайҙарыбыҙ хәтерендә һаҡлана. Улар ишеткәнде, улар күргәнде яҙыуға теркәп ҡуйыу беҙҙең изге бурыс.